جە بارەوو تیمو پادکەستی بزاندێ
حیکەیتو ئێمە
ئیمە جەمعێو جە جواناوو هەورامانیەنمێ پسە گردوو خەلکیما وەلاتەکەما پەیما موهێماوو حەز کەرمێ کارێو کەرمێ ئی وەلاتە وەشە پارێزیو. دنیانە بەینێوا پادکەست ئامانەنە. پادکسەت یا رادیوی ئینترنتی چێویوی فرە عالا. حەر کەس متاوو قسو وێش پی دەسورە بیاونو لا مەخلوقی.
واچەروو پادکەستی:
هاشم دەرویشی نوتشەنە سالو 1364 وەرەتاوی پەیدا بیەن. نوتشەنە لوان مەدرەسەوو زانکو خارەزمی تارانی وەنتەن. رشتەش جوغرافیا بیەن. ئیسە جە تاران هەرمانە کەروو و یانەش ئینا تاران.
یاوەری دەرێ پادکەستی:
عەلی ئەمینی خەلکو شارو نوتشەیی جە سالو 1362 وەرەتاوی پەیدا بیەن. دەرسش نوتشەنە وەنتەنوو دانشگاش جە تارانەنەبیەن. مەدرەکو مەستێرو تاریخیش جە تاران گێرتەن. هەرمانەش ئینا تاران و چاگە مژیوو.
ویدئو و تەنزیمو پادکەستی:
سادێق ئەختەری جە نوتشەنە پەیدا بیەن و ئیسەیچ نوتشەنە مژیوو. نوتشەنە لوان مەدرەسەوو عەلاقیوی فرەش بە کاری فەنی و هونەری هەن.